【有關肖像畫】
前排有單50蚊肖像畫事件，
今日小編亦收到有關肖像畫嘅事件分享，
不過今次唔係街坊街里見個識揸筆就「幫我畫張oY」果種，
而係真係拜師學藝，如下圖質素的肖像油畫。
(圖片不是事主作品，免得被起底，但質素相若)
話說事主用畫筆搵食，幸得名師指點，
畫技總算不會有辱家師名聲。
前陣子有人搵佢畫張人物肖像，以贈朋友，
一開始時呢個人係想事主免費畫俾佢，後來事主婉拒，
呢個人就話「放心啦，我會會俾錢架喎」
事主心諗「你預得我免費，家下又話俾錢，俾得幾多錢？
但都姑且都睇佢開咩價位」
——800蚊。
對於一個專業油畫師來講，800蚊其實係連顏料錢都唔夠買。
呢個人仲話「畫張畫個零鐘有800收好唔錯啦」
事主係堅持似唔到九成半以上唔敢交，
白手畫，唔係搵個printer 印張相落畫布度上顏色。
好多人真係唔知畫幅畫要幾多心血同之前要經過點既訓練先有咁既結果。
所以事主希望各位畫畫既人，
一，唔該唔好做爛市，
二，唔專業既，真係唔好收人錢做，到時候啲客又會同你講，
上次丫邊個邊個50蚊都搞掂啦。
喺尼度想同各位想搵人畫野嘅朋友講，
喺搵之前真係最好認識一下畫壇既收費range同對方嘅專業，
800蚊肖像，可能係一啲卡通似顏繪或者手畫草稿既報價，
你用呢個開價去搵學師多年、畫寫實系油畫既人去畫，
好可能會侮辱左對方，令對方會覺得你跟本唔知道佢既專業係畫咩既，就搵佢畫野。
PS.事主上一單幫一間國際公司畫兩張a6尺寸插畫, 作價約2000美金。
Search